امریکی صدر کا ایران کیخلاف عالمی برادری کو یکجا کرنے کیلیے کمیٹی کا اعلان

Share Article

 

امریکی صدر ڈونلڈ ٹرمپ نے ایران کیخلاف سخت اقدام کے لیے عالمی رائے عامہ کو ہموار کرنے کیلے مشیر قومی سلامتی جان بولٹن، وزیر خارجہ مائیک پومپیو اور سیکریٹری دفاع کو اہم ذمہ داریاں سونپ دیں۔بین الاقوامی خبر رساں ادارے کے مطابق امریکی صدر نے ایران پر مزید گھیرا تنگ کرنے کے لیے عالمی برادری کو یکجا کرنے کا فیصلہ کیا ہے جس کے لیے مشیر قومی سلامتی جان بولٹن، وزیر خارجہ مائیک پومپیو اور قائم مقام سیکرٹری دفاع پر مشتمل اعلیٰ سطح کی کمیٹی تشکیل دے دی ہے جو ایران پر مزید پابندی اور سخت کارروائی کے لیے عالمی رائے عامہ کو ہموار کریں گے۔امریکہ نے پاسداران انقلاب پر الزام عائد کیا ہے کہ آبنائے ہرمز میں دو آئل ٹینکرز کو نشانہ بنانے سے قبل ایرانی میزائل نے ٹینکرز کی حفاظت پر مامور امریکی ڈرون کو مار گرایا تھا، ڈرون تباہ کرنے کے بعد بارودی سرنگوں کو آئل ٹینکر کے نچلے حصے پر چسپاں کیا گیا اور دھماکے سے اْڑادیا گیا۔ایران کی جانب سے آئل ٹینکرز کو تباہ کرنے کی پْرزور تردید کے باوجود امریکی صدر ٹرمپ نے ایران پر خلیج عمان میں آئل ٹینکرز پر حملے کا الزام عائد کر رہے ہیں، قبل ازیں پینٹاگون کی جانب سے پاسداران انقلاب کے اہلکاروں کی تیل بردار بحری جہاز سے بارودی سرنگ ہٹانے کی ویڈیو جاری کی تھی۔

 

 

امریکی صدر ڈونلد ٹرمپ نے فاکس نیوز کو انٹرویو میں پینٹاگون کی جانب سے جاری ویڈیو پر اعتماد کا اظہار کرتے ہوئے موقف اختیار کیا کہ آبنائے ہرمز میں تیل بردار بحری جہازوں پر حملے میں ایران کے ملوث ہونے میں اب کوئی شک نہیں رہ جاتا۔ آئل ٹینکرز پر حملے سے چند گھنٹے قبل تیل بردار بحری جہازوں کی نگرانی کرنے والے امریکی ڈرون نے ایرانی کشتیوں کوآئل ٹینکرز کے قریب آتے دیکھا تھا۔

Share Article

Leave a Reply

Your email address will not be published. Required fields are marked *