برطانیہ کا معاہدے کی ممکنہ ناکامی پر اپنا ہی بریگزٹ منصوبہ پیش

Share Article

برطانیہ کے وزیرا عظم بورس جانسن نے آئرلینڈ سرحد کو کھولے رکھنے سے متعلق اپنا ہی بریگزٹ منصوبہ پیش کرتے ہوئے خبردار کیا ہے کہ متبادل راستہ صرف یہ ہی ہے کہ معاہدے کے بغیر یورپی یونین سے 31 اکتوبر تک علیحدہ ہوجائیں گے۔بورس جانسن نے یورپی کمیشن کے صدر جِین کلاژجنکر کو مراسلہ میں کہا کہ لندن کی جانب سے پیش کردہ تجویز ’معقول سمجھوتہ‘ تھا۔واضح رہے کہ بورس جانسن نے بریگزٹ معاہدہ کی ڈیڈ لائن سے تقریباً 29 روز قبل اپنی ’حتمی‘ آفر پیش کی تھی۔ میڈیا رپورٹ کے مطابق برطانیہ کے وزیر اعظم نے مراسلے میں واضح کیا کہ یورپی یونین کا منصوبہ ’ایسا پل تھا جس کی کوئی منزل‘ نہیں تھی۔انہوں نے کہا کہ ’ایک نیا راستہ تلاش کرلیا گیا‘۔بعدازاں جِین کلاژجنکر نے بذریعہ فون بورس جانسن کو خبردار کیا کہ ’برطانیہ کی نئی تجویز میں ’چند پریشان کن نکات‘ ہیں۔انہوں نے مزید کہا کہ اس کے باوجود یورپی یونین ’معروضیت کے ساتھ قانونی تجویز کا جائزہ‘ لے گی۔ آئرلینڈ کے وزیر اعظم لیو ورڈاکر نے ایک ہی رات میں نمودار ہونے والی تجویز پر ’سمجھوتے سے انکار‘ کردیا۔واضح رہے کہ بورس جانسن نے آئرلینڈ کی سرحد پر کسٹم پوسٹ قائم کرنے کے تاثر کو مسترد کردیا تھا۔خیال رہے کہ برطانیہ کو 30 اکتوبر تک یورپی یونین سے علیحدہ ہونا ہے اور برطانوی وزیراعظم مزید تاخیر سے بچنے کے لیے اسی ڈیڈلائن کے اندر ہی معاہدے کو حتمی شکل دینا چاہتے ہیں۔

رپورٹ کے مطابق بورس جانسن بریگزٹ کے بعد یورپی کسٹم قوانین کو اسی طرح برقرار رکھنا چاہتے ہیں تاکہ برطانوی شمالی آئرلینڈ اور یورپی یونین کے رکن آئرلینڈ کے درمیان مصنوعات کی روانی اسی طرح جاری رہے۔آئرلینڈ کے نشریاتی ادارے ‘آر ٹی ای’ نے رپورٹ دی تھی کہ برطانیہ نے سرحد کے دونوں جانب کسٹمز کلیئرنس پوسٹ قائم کرنے کی تجویز دی تھی، لیکن یہ مقامات اصل سرحدی مقام سے 8 کلومیٹر سے 16 کلومیٹر کے فاصلے پر واقع تھے۔آئرلینڈ نے خبردار کرتے ہوئے کہا تھا کہ ماضی کے سرحدی انفراسٹرکچر کی واپسی نہیں ہوسکتی اور اس طرح کی کوشش سے شمالی آئرلینڈ میں امن عمل متاثر ہوسکتا ہے۔واضح رہے کہ بورس جانسن اگر کوئی منصوبہ بنالیتے ہیں تو انہیں پارلیمنٹ کو اعتماد میں لینا ہوگا جہاں انہیں اکثریت حاصل نہیں اس لیے انہیں ایک مرتبہ پھر مشکلات کا سامنا ہوگا۔

Share Article

Leave a Reply

Your email address will not be published. Required fields are marked *