ترکی اور امریکہ کے درمیان شام سے متعلق معاہدہ ’مبہم‘ ہے: شامی رجیم

Share Article

 

شام میں کرد فورسز کے خلاف ترکی کے آپریشن روکنے کے لیے امریکہ اور ترکی کے درمیان طے پائے معاہدے کو شامی حکومت نے مسترد کردیا ہے۔العربیہ ڈاٹ نیٹ کے مطابق شامی حکومت کی مشیر برائے سیاسی و ابلاغی امور بثنیہ شعبان نے جمعرات کے روز کہا کہ امریکہ اور ترکی کا اعلان کردہ معاہدہ مبہم ہے۔انہوں نے مزید کہا کہ واشنگٹن اور انقرہ کے مابین جو معاہدہ ہوا ہے اس کا مطلب یہ نہیں ہے کہ روس اور شام اس پر متفق ہوجائیں گے۔ اگر ترکی مدد نہ کرتا تو ہزاروں دہشت گرد شام میں داخل نہ ہوسکتے۔

شعبان نے مزید کہا کہ شام میں سیف زون کی اصطلاح درست نہیں ہے کیونکہ یہ ایک مقبوضہ علاقہ ہوگا۔ انہوں نے توجہ دلائی کی پوری دنیا شام میں ترکی کی جارحیت کے خلاف اٹھ کھڑی ہوئی ہے۔بثنیہ شعبان نے زور دے کر کہا کہ شامی حکومت اپنے ملک میں عراقی کردستان کا ماڈل قبول نہیں کرے گی۔

Share Article

Leave a Reply

Your email address will not be published. Required fields are marked *