بھگوان چند رمولیشور کی سواری میں شامل ہونے اجین آئے کانگریس کے قدآور لیڈر جیوتی رادتیہ سندھیا نے پہلی بار بی جے پی میں جانے کی قیاس آرائیوں کو غلط بتایا ہے۔ انہوں نے کہا کہ یہ افواہ جان بوجھ کر پھیلائی جا رہی ہے۔
بھگوان چندرمولیشور کی سواری پیر دیر رات گوپال مندر سے نکالی گئی۔ جیوتی رادتیہ سندھیا نے پالکی پوجا کی۔ اس دوران میڈیا کے سوالوں کا جواب دیتے ہوئے جیوتی رادتیہ سندھیا نے کہا کہ بھارتیہ جنتا پارٹی ریاست میں مسلسل کمزور ہوتی جا رہی ہے۔ اسی لیے بی جے پی خیمے کی طرف سے ان کے بی جے پی میں جانے کی افواہیں پھیلائی جا رہی ہیں۔ قابل ذکر ہے کہ سندھیا نے جموں کشمیر سے دفعہ 370 ہٹائے جانے پر مودی حکومت کی حمایت کی تھی۔ اس کے بعد ہی ان کے بی جے پی میں جانے کے قیاس لگائے جا رہے تھے، جنہیں سندھیا نے آج پوری طرح غلط بتا کر اس پر روک لگا دی ہے۔

LEAVE A REPLY

Please enter your comment!
Please enter your name here