پی ایم مودی کاداؤس میں اقتصادی فورم سے خطاب

Share Article

pm-modi

سوئٹزرلینڈ کے داؤس میں چل رہے عالمی اقتصادی فورم کے افتتاحی تقریب میں اپنے خطاب میں وزیراعظم نریندرمودی نے سب سے پہلے سوئٹزرلینڈ فیڈریشن کے صدراوروہاں موجودعالمی لیڈروں کا شکریہ اداکیا۔پی ایم مودی نے کہاکہ گرم جوشی سے استقبال کیلئے سوئٹزرلینڈ سرکاراوروہاں کی شہریوں کابھی بھی شکریہ اداکیا۔
عالمی امن اور اخوت کے حق میں ہندوستان کی روایتی عالمی اپیل کے تحت وزیر اعظم نریندر مودی نے آج داؤس میں عالمی اقتصادی فورم کے افتتاحی اجلاس میں خطاب کرتے ہوئے اقوام عالم کو دہشت گردی، موسمیاتی تبدیلیوں اور بعض ملکوں کے ’’خودغرضانہ ‘‘ رویہ سے لاحق نئی آزمائشوں کے تئیں خبردار کیا۔ کسی ملک کا نام لئے بغیر پی ایم مودی نے پاکستان کو درپردہ نشانہ بناتے ہوئے کہا کہ جو لوگ اچھے اور برے دہشت گردوں کا مصنوعی فرق سامنے لانے کی کوشش کرتے ہیں، وہ دہشت گردوں سے زیادہ بڑا خطرہ بن کر ابھر رہے ہیں۔انہوں نے کہا کہ دہشت گردی سے پوری نوع انسانی کو خطرہ لاحق ہے اور تعلیم یافتہ نوجوانوں کا دہشت گردی کی طرف مائل ہونا دوسرا بڑا خطرہ ہے۔ دنیا دہشت گردی اور تشدد پھیلنے سے مزید منقسم ہورہی ہے۔ مودی نے گلوبلائزیشن کے سکڑتے ہوئے دائرہ کے تعلق سے بھی خبردار کیا اور کہا کہ بعض ممالک صرف اپنے سوچنے کو ترجیح دینے لگے ہیں۔

 

 

 

وزیر اعظم نے عالمی اقتصادی فورم کے مکمل اجلاس سے خطاب کرتے ہوئے کہا کہ دہشت گردی سے پوری نوع انسانی کو خطرہ لاحق ہے اور تعلیم یافتہ نوجوانوں کا دہشت گردی کی طرف مائل ہونا دوسرا بڑا خطرہ ہے۔
موسمیاتی تبدیلی پر اظہار خیال کرتے ہوئے اور نالج بینک اور ڈاٹا انفارمیشن کا دائرہ وسیع کرنے پر زور دیتے ہوئے انہوں نے کہا کہ امن ، استحکام اور سلامتی بڑے چیلنجوں میں تبدیل ہورہی ہیں۔ انہوں نے کہا کہ ڈاٹا انفارمیشن کا انقلاب امکانات کے نئے در کھولنے کے ساتھ ساتھ بڑی آزمائشیں بھی سامنے لارہا ہے۔ انہوں نے کہا کہ گلوبلائزیشن کے نتیجے میں سامنے آنے والے مسائل اور روکاوٹوں سے الگ تھلگ ہوکر نہیں نمٹاجا سکتا بلکہ اسمارٹ اور لچک دار پالیسیوں کے ذریعہ انہیں سمجھنے اور مطابقت کے ساتھ پیش آنے کی ضرورت ہے۔ مودی نے کہا کہ تحفظ پسندی گلوبلائزیشن کے خلاف سراٹھارہی ہے اوراس رجحان کے نتیجے میں باہمی اور کثیر قومی تجارتی مذاکرات تقریباً ٹھپ ہوکر رہ گئے ہیں۔ انہوں نے کہا کہ عالمی سپلائی کی کڑیاں عملاً ٹھپ ہوکر رہ گئی ہیں او رکسی بھی دو ملک یا ہمسایوں کے درمیان تجارت کو بھی اسی طرح کے حالات کا سامنا ہے۔
عیاں رہے کہ پی ایم مودی کے ساتھ پروگرام میں 6مرکزی وزراء ،2وزراء اعلیٰ اورکئی بزنس مین لیڈرگئے ہیں۔چاردن تک چلنے والے اس فورم میں پی ایم مودی کے علاوہ ہندوستانی وزراء ، کئی بزنس لیڈراورشاہ رخ خان بھی الگ الگ موضوعات پراپنی بات رکھیں گے۔

Share Article

One thought on “پی ایم مودی کاداؤس میں اقتصادی فورم سے خطاب

  • January 24, 2018 at 5:43 am
    Permalink

    ہی
    شمسززمان

    Reply

Leave a Reply

Your email address will not be published. Required fields are marked *