عراق کو امریکہ اور ایران کے درمیان جنگ کا اکھاڑا نہیں بننے دیں گے‘: عراق

Share Article

عراقی وزارت دفاع نے بغداد میں متعین ایرانی سفیر کے اس بیان کو مسترد کر دیا ہے جس میں انہوں نے دھمکی دی تھی کہ ایران پر حملے کی صورت میں عراق میں موجود امریکی فوج کو نشانہ بنایا جائے گا۔وزارت کے ترجمان میجر جنرل تحسین الخفاجی کہا کہ ہم اپنے ملک کو تنازعات کی وجہ سے عالمی طاقتوں کے درمیان جنگ کا میدان نہیں بننے دیں گے۔الخفاجی نے کہا کہ عراق نے ایران یا امریکہ کی طرف سے دی جانے والی دھمکیوں کو مسترد کرتے ہوئے اس بات پر زور دیا کہ ’عراقی سر زمین ایک سرخ لکیر ہے اور ہم کسی کے خلاف اس کے استعمال کی اجازت نہیں دیں گے۔انہوں نے مزید کہا کہ ’عراق سے ایران پر حملہ نہیں کیا جائے گا اور نہ ہی وہ اپنی سرزمین پر امریکی مفادات کو خطرے میں ڈالنے کی اجازت دے گا۔ وزارت نے زور دے کر کہا کہ عراق ہمسایہ ممالک پر حملے میں اپنی سرزمین کے استعمال کی اجازت نہیں دے گا۔

خیال رہے کہ حال ہی میں بغداد میں ایران کے سفیر ایرج مسجدی نے دھمکی دی تھی کہ اگر ایران پر امریکہ نے حملہ کیا تو عراق یا کسی اور جگہ پر امریکی افواج کو جوابی حملوں کا نشانہ بنایا جائے گا۔عراق میں امریکی موجودگی کے حوالے سے ایرانی سفیر نے بتایا کہ ان کے ملک عراقی وزیر اعظم عادل عبد المہدی سے امریکیوں کو عراق سے نکالنے کے لیے کہا ہے۔

Share Article

Leave a Reply

Your email address will not be published. Required fields are marked *