اے بی وی پی کے خلاف مہم سے پیچھے ہٹیں گرمہر کور

GURMEHAR-KAUR-3PM-SOT_1ٹویٹر پر نازیبا تبصرے اور دھمکیاں ملنے کے بعد کارگل کے شہید کی بیٹی گرمهر كور نے رام جس کالج میں طلبا کے گروپوں کے درمیان ہوئے تشدد کی مخالفت میں شروع کی گئی اپنی مہم سے آج الگ ہونے کا اعلان کیا۔ گرمهر نے اس معاملے پر کئی ٹویٹ کئے تھے جن میں انہوں نے دہلی یونیورسٹی کے نارتھ کیمپس میں کانگریس کی طلبا شاخ این ایس یو آئی اور اے آئی ایس اے کی جانب سے منعقد کئے جانے والے امن مارچ میں طلبا سے شامل ہونے کی اپیل کی ہے۔ گرمهر نے کہا “میں مہم سے پیچھے ہٹ رہی ہوں۔ سبھی کو مبارک باد۔ میں آپ سے درخواست کرتی ہوں کہ مجھے تنہا چھوڑ دیجئے۔ مجھے جو کہنا تھا، میں نے کہہ دیا۔ اگر کوئی میری ہمت اور بہادری پر سوال کرتا ہے تو میں کہنا چاہوں گی کہ میں پہلے ہی کافی ہمت دکھا چکی ہوں۔ ”
گرمہر نے کہا “یہ مہم طالب علموں سے منسلک ہے نہ کہ مجھ سے۔ برائے کرم بڑی تعداد میں مارچ میں شامل ہوں۔ نیک خواہشات۔ ” دہلی یونیورسٹی کے رامجس کالج کے ایک پروگرام میں جواہر لعل نہرو یونیورسٹی کے طالب علم عمر خالد اور شہلا رشید کو مدعو کئے جانے کے معاملے نے تشدد کی شکل اختیار کر لی تھی۔ کالج کے ایک پروگرام میں جے این یو کے ان دونوں لوگوں کو بلانے کی مخالفت میں اکھل بھارتیہ ودیارتھی پریشد کے کارکنوں نے رام جس کالج میں ہنگامہ کیا تھا جس کے بعد کالج انتظامیہ نے انھیں مدعو کئے جانے سے متعلق اپنا فیصلہ واپس لے لیا تھا۔ اس دوران اے بی وی پی اور آئسا کے کارکنوں کے درمیان پرتشدد جھڑپیں ہوئی تھیں۔

Share Article

Leave a Reply

Your email address will not be published. Required fields are marked *