چوتھی دنیا کر چکی ہے 30دن قبل انکشاف

ہماری حکومت کے کیا کہنے آج 31دن بعد انڈین پریمئر لیگ تنازع پر ملک میں چاروں طرف ہاہاکار مچ گئی تب جاگی ہے۔ انکم ٹیکس محکمہ انفورسمنٹ ڈائریکٹوریٹ کے افسران نے آئی پی ایل کمشنر للت مودی سے پوچھ گچھ شروع کر دی ہے مگر ہم آپ کی اطلاع کے لئے بتا دیں کہ آج جو کچھ بھی عوام کے سامنے آیا ہے چوتھی دنیا نے ہی سب سے پہلے آئی پی ایل اور مودی کے کالے کارناموں کا اپنے 5سے 11اپریل تک کے ہفت روزہ میںانکشاف کیا تھا۔ چوتھی دنیا میں کچھ اہم ناموں کا انکشاف بھی ہوا تھا اور اسی مسئلے کو لے کر اگلی اسٹوری لکھی جانی تھی۔ اس ہماری ایک خبر نے ایسی چنگاری کا کام کیا کہ مودی کے تمام ارادوں کو خاکستر کر دیا اور تھرور کا تو وہی حال ہوا کہ نہ خدا ہی ملا نہ وصال صنم ۔