کچھ لوگ اسلام کی غلط تشریح کر کے دہشت گردی پھیلانا چاہتے ہیں : امام کعبہ شیخ صالح بن ابراہیم آل طالب

Share Article

imam-kabaنوشہرہ(پاکستان ) : امام کعبہ شیخ صالح بن ابراہیم آل طالب کا کہنا ہے کہ دین اسلام سلامتی اور امن کا دین ہے اور اس کا کسی دہشت گردی کے ساتھ کوئی تعلق نہیں لیکن کچھ عناصر اسلام کی غلط تشریح کر کے دہشت گردی پھیلانا چاہتے ہیں۔امام کعبہ نے مزید کہا کہ دین اسلام سلامتی اور امن کا دین ہے اور اسلام کا دہشت گردی سے کوئی تعلق نہیں ہے کیونکہ اسلام دہشت گردی سے دور رہنے کا درس دیتا ہے۔ ایکسپریس نیوز کی خبر کے مطابق پاکستان کے نوشہرہ میں منعقدہ جمعیت علمائے اسلام (ایف ) کی صدسالہ تقریب کی آخری دن اپنے خطاب میں امام کعبہ نے کہا کہ دہشت گردی ملک کی معیشت کو تباہ کرتی ہے ، جب کہ تمام علماء دہشت گردی کے خلاف کھڑے ہیں ، لیکن کچھ لوگ اسلام کی غلط تشریح پیش کر کے دنیا میں دہشت گردی پھیلانا چاہتے ہیں۔ امام کعبہ کا کہنا تھا کہ دنیا بھرمیں پھیلے مدارس لوگوں تک دین پہنچا رہے ہیں جب کہ امت مسلمہ امت رحمت ہے اور امت اپنے مقامات مقدسہ کی حفاظت کرنا جانتی ہے، آج پوری دنیا کی نظریں پاکستان پر لگی ہیں۔

Share Article

Leave a Reply

Your email address will not be published. Required fields are marked *